Greqi, arrestohet shqiptari me 4.8 kg heroinë të pastër

12:03 | 14 Prill 2017
Arbresh.info

Një shtetas shqiptar, 24 vjeç, është arrestuar prej antidrogës greke, në vendin e quajtur Etoliko, në zonën e Mesologjit, në perëndim të Greqisë.

Sipas antidrogës së Korfuzit, u bë e mundur arrestimi i trafikantit në ishullin e Korfuzit.

Pas hetimeve rezultoi se 24-vjeçari e fshihte lëndën narkotike në banesën e prindërve të tij.

Policia thotë se sasia prej 4.8 kilogramë heroinë e pastër ishte e fshehur në 11 paketa të vendosura në një vend të fshehtë të banesës.

Dyshohet se ai ishte pjesë e një organizate që trafikonte lëndën narkotike në gjithë Greqinë. 24-vjeçari u dërgua në Gjykatën e Korfuzit, që vendosi ta lërë në burg deri në përfundimin e hetimeve.

Shpërndaje në rrjete sociale

Lajmet më të lexuara

Të ngjashme

Foto lajm